Այսօր՝ մարտի 22-ին Թբիլիսիում կայացավ Հայաստանի ազգային հավաքականի գլխավոր մարզիչ Ջոն վանտ Սխիպի նախախաղային մամուլի ասուլիսը, որին մասնակցեց նաև կիսապաշտպան Արթուր Սերոբյանը։
«Մենք առավելագույն կերպով պատրաստվել էինք առաջին խաղին, ինչ-որ բաներ չստացվեց։ Վաղվա հանդիպմանը նույնպես պատրաստվելու ենք, քանի որ եկել ենք այստեղ՝ սխալներն ուղղելու, և խաղադաշտում առավելագույնը անելու համար, որ հասնենք դրական արդյունքի։
Կարծում եմ, որ այո, Վրաստանի ազգային հավաքականի երկրպագուները շատ էին մեր մարզադաշտում, բայց վաղվա հանդիպմանը ես վստահ եմ, որ մեր երկրպագուները նույնպես կլինեն մարզադաշտում, քանի որ առաջին անգամ չէ, որ նրանք երկրպագում են հավաքականին։ Հավաքականն էլ, իր հերթին, ամեն ինչ կանի՝ երկրպագուներին ուրախացնելու համար։
Դա մարզչի որոշումն է եղել և ես լսել եմ նրա որոշումը։ Ինձ համար ամենակարևորն է հավաքականի կազմում լինելն ու արդյունքը։ Որքան էլ ունենամ նեղվածություն, հավաքականի կողքին եմ և նրա մի մասնիկն եմ։ Ունեմ փորձ խաղալու ձախ եզրում, քանի որ նախորդ մարզչի գլխավորությամբ խաղացել եմ հենց այդ եզրում։ Ինձ ավելի հարմար է աջ եզրում խաղալը, սակայն մարզիչը վստահեց ձախ եզրում՝ ես պատրաստ եմ։ Մարզումները կարճ են եղել, դեռ չենք փորձարկել։
Ամեն ինչ անցյալում է, մենք վաղը շատ կարևոր հանդիպում ունենք։ Բոլոր ֆուտբոլիստների կենտրոնացվածությունը խաղադաշտ դուրս գալու, և առավելագույնն անելու վրա է։
Չեմ ցանկանա մեկնաբանել Ռանոսի հետ կապված միջադեպը, քանի որ մարզիչն արդեն նշեց»,- նշել է Սերոբյանը։
