ՊՍԺ-ում դեռ չեն մոռացել Կիլիան Մբապեի հետ անհաջող բաժանումը։ Աստղային հարձակվողն անցած ամառ ազատ գործակալի կարգավիճակով տեղափոխվեց Մադրիդի «Ռեալ»՝ հրաժարվելով նոր պայմանագիր կնքել փարիզեցիների հետ։ Ինչպես հայտնի է, կողմերն այնքան էլ խաղաղ չբաժանվեցին բազմաթիվ պատճառներով, այդ թվում՝ ֆինանսական։
Marca պարբերականի հաղորդմամբ՝ ֆրանսիական գրանդը ցանկանում է ամեն գնով ձեռք բերել «սերուցքայինների» երիտասարդական թիմի 16-ամյա կիսապաշտպան Բրայան Բուգարինի տրանսֆերային իրավունքները։
Նշվում է, որ այդ կերպ փարիզցիները ցանկանում են վրեժ լուծել «արքայական» ակումբից Կիլիան Մբապեի անվճար տեղափոխության համար։
Ընթացիկ մրցաշրջանում Մբապեն «Ռեալի» կազմում մասնակցել է 43 հանդիպման՝ դառնալով 30 գոլի և 4 գոլային փոխանցման հեղինակ։
