Գրիզմանը մոտ է նոր ակումբի հետ համաձայնության գալուն․ գործարքը հնարավոր է իրականացվի այս ամիս

Անտուան ​​Գրիզմանը Մադրիդի «Ատլետիկոյի» լեգենդն է, բայց նրա ժամանակն ակումբում կարող է ավարտվել առաջիկա մի քանի ամիսների ընթացքում:

Չնայած նրա պայմանագիրը նախատեսված է մինչև հաջորդ տարվա ամառը, նա կարող է հեռանալ այս ամառ՝ կարիերայում նոր էջ սկսելու համար:

Ըստ Relevo-ի՝ Գրիզմանը  բանակցություններ է վարում «Լոս Անջելեսի» հետ, թեև գործարքը դեռ չի կայացել, քանի որ դեռ «Ատլետիկոն» չի տվել իր թույլտվությունը: Ակնկալվում է, որ «Ատլետիկոն» պատրաստ կլինի ընդունել առաջարկը, երբ ֆրանսիացի հարձակվողը հասկացնի, որ ցանկանում է հեռանալ մրցաշրջանի ավարտից հետո:

Գրիզմանի որոշման մասին «Ատլետիկոն» նախապես կտեղեկացվի: Ակնկալվում է, որ գործընթացի 90%-ը կավարտվի մարտի վերջին։