Անգլիայի հավաքականի գլխավոր մարզիչ Թոմաս Տուխելը հայտնել է, որ չի երգի ազգային օրհներգը, քանի դեռ չի վաստակել այդ իրավունքը՝ թիմին հաջողության հասցնելով։
Նա ընդգծել է, որ հպարտ է Անգլիայի հավաքականի ղեկին լինելու համար, սակայն ցանկանում է արժանանալ երկրպագուների, ֆուտբոլիստների և լրատվամիջոցների վստահությանը, նախքան օրհներգը երգելը։
«Դա հզոր, հուզիչ և իմաստալից օրհներգ է։ Ես պետք է վաստակեմ այն երգելու իրավունքը՝ արդյունքներով, ճիշտ աշխատանքով և թիմի կառուցմամբ»,- Տուխելի խոսքերն է մեջբերում The Times-ը։
Դարպասապահներ․ Դին Հենդերսոն, Ջորդան Պիկֆորդ, Աարոն Ռեմսդեյլ, Ջեյմս Թրաֆորդ
Պաշտպաններ․ Դան Բեռն, Լևի Քոլվիլ, Մարկ Գուեհի, Ռիս Ջեյմս, Էզրի Կոնսա, Մայլս Լյուիս-Սքելի, Տինո Լիվրամենտո, Ջարել Քուանսա, Քայլ Ուոքեր
Կիսապաշտպաններ․ Ջուդ Բելինգհեմ, Էբերեչի Էզե, Ջորդան Հենդերսոն, Քերթիս Ջոնս, Քոուլ Պալմեր, Դեկլան Ռայս, Մորգան Ռոջերս
Հարձակվողներ․ Ջարոդ Բոուեն, Ֆիլ Ֆոդեն, Էնթոնի Գորդոն, Հարի Քեյն, Մարկուս Ռեշֆորդ, Դոմինիկ Սոլանկե
Հայտացուցակում չեն ընդգրկվել Ջոն Սթոունսը, Հարի Մագուայրը և Ջեք Գրիլիշը։ Տուխելը նշել է, որ հետևել է բոլոր ֆուտբոլիստներին, իսկ Իվան Տոնեյին դիտելու համար կմեկնի Սաուդյան Արաբիա։
«Ես 25 հանդիպում եմ դիտել վերջին 9 շաբաթում, աշխատում եմ հնարավորինս արդյունավետ»,- ասել է նա՝ անդրադառնալով իր աշխատանքին։
Տուխելը շեշտել է, որ մեծ պատասխանատվություն է զգում և քրտնաջան աշխատելու է 2026 թ․ Աշխարհի առաջնության համար մրցունակ թիմ ստեղծելու ուղղությամբ։
