Մադրիդի «Ռեալի» ուկրաինացի դարպասապահ Անդրեյ Լունինը կարող է հեռանալ «արքայական» ակումբից և մեկնել մառախլապատ Ալբիոն։ Այս մասին հայտնում է Todofichajes-ը։
Աղբյուրի համաձայն՝ 26-ամյա դարպասապահի տրանսֆերով անձամբ հետաքրքրված է «Մանչեսթեր Սիթիի» գլխավոր մարզիչ Պեպ Գվարդիոլան։ Իսպանացի մասնագետը դիտարկում է ուկրաինացուն՝ որպես բրազիլացի Էդերսոնի փոխարինող, որը ընթացիկ մրցաշրջանի ավարտից հետո կարող է լքել «քաղաքայինների» ճամբարը։
Լունինի գործող պայմանագրի ժամկետը Մադրիդի «Ռեալի» հետ նախատեսված է մինչև 2030 թվականի կեսերը: Նրա հավանական տրանսֆերը գնահատվում է 30 միլիոն եվրո։
