Հայաստանի ֆուտբոլի ֆեդերացիայի (ՀՖՖ) մամուլի ծառայությունը արձագանքել է Գյումրիի «Շիրակի» հայտարարությանը։
««Շիրակը» միակ ակումբն է, որը ՀՖՖ-ի առաջարկներին արձագանքել է ոչ թե պաշտոնական նամակով, այլ ֆեյսբուքյան գրառումով», – նշված է ՀՖՖ մամուլի ծառայության տարածած հայտարարությունում։
Հիշեցնենք, որ ավելի վաղ Գյումրին ներկայացնող ակումբը հանդես էր եկել հայտարարությամբ, որում ասվում էր հետևյալը. «ՀՖՖ-ի փոփոխությունների առաջարկին առաջինն էինք արձագանքել: Անցել է ավելի քան մեկ ամիս, սակայն ՀՖՖ-ի մեդիահարթակներում ներկայացվել են Պրեմիեր լիգայի բոլոր ակումբների պատասխանները, բացի «Շիրակ» ՖԱ-ի պատասխանից»։
