Մադրիդի «Ռեալի» և «Միլանի» նախկին հարձակվող Ռոնալդոն հանդես է գալիս իտալացի մասնագետ Կառլո Անչելոտիի՝ Բրազիլիայի հավաքականի գլխավոր մարզիչ դառնալու օգտին։ Այս մասին հայտնում է Relevo-ն։
Աղբյուրի տեղեկություններով՝ Ռոնալդոն նախատեսում է 2026 թվականի մարտին առաջադրել իր թեկնածությունը Բրազիլիայի ֆուտբոլի ֆեդերացիայի (CBF) նախագահի պաշտոնում։ Եթե նա ընտրվի, ապա մտադիր է հրավիրել Անչելոտիին՝ գլխավորելու ազգային թիմը, քանի որ նրանց միջև հիանալի հարաբերություններ են ձևավորված։
Ներկայումս կողմերի միջև որևէ կոնտակտ չի եղել։ Նշվում է, որ Ռոնալդոյի նպատակը չէ, որ Անչելոտին լքի «Ռեալը» և անմիջապես գլխավորի Բրազիլիայի հավաքականը։ 65-ամյա մասնագետին ցանկանում են հրավիրել միայն այն դեպքում, եթե նա հեռանա մադրիդյան ակումբից կամ նրա պայմանագիրն ավարտվի։
Ներկա պահին Անչելոտիի պայմանագիրը «Ռեալի» հետ ուժի մեջ է մինչև 2026 թվականի հունիսի 30-ը։
