«Ինտեր Մայամիի» սեփականատեր Դևիդ Բեքհեմը, ով ներկայումս ներդրողների խմբի հետ միասին ղեկավարում է ակումբը, պատմել է, թե որտեղ է ցանկանում ապրել Լիոնել Մեսսին՝ կարիերան ավարտելուց հետո: Այս մասին հաղորդում է Goal-ը։
Բեքհեմը, խոսելով Դավոսի Համաշխարհային տնտեսական ֆորումի ժամանակ, նշել է. «Ես կցանկանայի, որ Մեսսին ապրի Մայամիում, երբ կավարտի կարիերան, բայց Լեոն ասել է, որ մտածում է միայն «Կամպ Նոուի» մոտ ապրելու մասին: Չկա մեկ այլ ֆուտբոլիստ, ով այնքան շատ է սիրում «Բարսելոնան», որքան նա: «Բարսայի» խորհրդանիշը նրա ոտքին է, նույնիսկ ջրի շշի վրա»։
Մեսսին, ով ներկայումս հանդես է գալիս «Ինտեր Մայամիում», շարունակում է ցուցաբերել իր հավատարմությունը «Բարսելոնային», որտեղ անցկացրել է կարիերայի մեծ մասը:
