«Բրայթոնը» և «Աստոն Վիլան» այն ակումբների ցանկում են, որոնք հետաքրքրված են հարավկորեացի 18-ամյա վինգեր Դո-Յուն Յունով:
«Դեյջոնի» ֆուտբոլիստի ելույթներին հետևում են Պրեմիեր լիգայի շատ ակումբներ և վերջին շաբաթների ընթացքում տեղի են ունենում բանակցություններ՝ Անգլիա հնարավոր տեղափոխությունից առաջ, գրում է Mirror-ը։
Հարավկորեական աղբյուրները կարծում են, որ «Բրայթոնը» ներկայումս գլխավորում է Յունի տրանսֆերային մրցավազքը։ Բայց պարզվում է, որ Յունի ներկայացուցիչները նախորդ շաբաթվա սկզբին եղել են Բիրմինգհեմում և բանակցել նաև «Աստոն Վիլայի» հետ։ «Չելսին» ևս իր սկաուտներին ուղարկել է՝ հետևելու ֆուտբոլիստի ելություներին։ Հետաքրքրված ակումբներից մյուսը «Վուլվերհեմփթոնն» է։
Յունի գործակալները ներկայացնում են նաև «Տոտենհեմի» 18-ամյա վինգեր Յան Մին-Հյուկին, ով տարվա սկզբին տեղափոխվեց Հյուսիսային Լոնդոն։
Հարավային Կորեայի երիտասարդական հավաքականի վինգերը Կորեայի առաջնությունում 2024 թվականին անցկացրել է 19 հանդիպում, դարձել գոլի ու երեք գոլային փոխանցման հեղինակ։
Ընդհանրապես, վերջին տարիների ընթացքում զգալի աճ է գրանցվել Հեռավոր Արևելքից Եվրոպա տեղափոխվող ֆուտբոլիստների առումով, մասնավորապես՝ Հարավային Կորեայից և Ճապոնիայից: «Սելթիկը», բելգիական որոշ ակումբներն առաջատարն են այս առումով, որոնք բավականին մատչելի գնով ձեռք են բերում ասիացի ֆուտբոլիստներին՝ հետագայում վերավաճառելով տրանսֆերները մի քանի անգամ բարձր արժեքով։
Այսպիսի գործարքները բերում են նաև հսկայական ֆինանսական օգուտներ: Նախորդ մրցաշրջանում ՊՍԺ-ն պարզեց, որ հարավկորեացի Լի Կան Ինի ավելի շատ մարզաշապիկներ է վաճառվել, քան որևէ այլ ֆուտբոլիստի, ներառյալ Կիլիան Մբապեի։ Նաև զգալիորեն աճել է հարավկորեացի երկրպագուների թիվը, ովքեր ներկա են եղել «Պարկ դե Պրենս» մարզադաշտի էքսկուրսիաներին, նաև թիմի հանդիպումներին: Նույնը վերաբերում է նաև «Տոտենհեմին»․ թիմի հանդիպումներին կարելի է տեսնել հարյուրավոր ասիացի երկրպագուների, որոնք մարզադաշտ են գալիս Սոն Հին Մինի ելույթներին հետևելուն։ Իսկ ահա «Բրայթոնի» վաճառած մարզաշապիկների զգալի մասը դա Կաուրո Միտոմայի անվանական մարզաշապիկներն են։
