ՊՍԺ-ի գլխավոր մարզիչ Լուիս Էնրիկեն մեկնաբանել է իր թիմի հաղթանակը Չեմպիոնների լիգայի յոթերորդ տուրի՝ «Մանչեսթեր Սիթիի» դեմ խաղում (4:2).
«Այս հաղթանակն ինձ համար շատ դժվար պահ է, որովհետև ես ուզում եմ խենթորեն տոնել գոլերը, բայց կողքիս ընկեր է, որը տանջվում է… Բայց դե, կյանքն է այդպիսին: Ֆուտբոլը բերում է ուրախություն և վիշտ, ինչպես կյանքը։ Դու պետք է կարողանաս գլուխ հանել դրանից», — Էնրիկեի խոսքերը մեջբերել է X սոցիալական ցանցի Actu Foot պորտալը (նախկինում՝ Twitter):
Հիշեցնենք, որ յոթ տուրի արդյունքներով ՊՍԺ-ն իր ակտիվում ունի 10 միավոր։ Փարիզցիները 22-րդ տեղում են։ «Մանչեսթեր Սիթին» ունի ութ միավոր և 25-րդ տեղում է:
