«Բարսելոնայի» նախագահ Ժոան Լապորտան սկանդալային կերպով է արձագանքել Իսպանիայի Սպորտի բարձրագույն խորհրդի (CSD)՝ Դանի Օլմոյին և Պաու Վիկտորին ժամանակավորապես գրանցելու որոշմանը։
Սուպերգավաթի կիսաեզրափակչի խաղի ընթացքում, գտնվելով թագավոր Աբդալլայի օթյակում, նա մի քանի անգամ բղավել է վիրավորական արտահայտություններ, անվանել պաշտոնյաներին «անամոթներ» և «լրբի զավակներ», ինչպես նաև հարվածել այնտեղ գտնվող իրերին։
Իսպանիայի Ֆուտբոլի թագավորական ֆեդերացիան (RFEF) արդեն սկսել է նախնական հետաքննություն: Ըստ COPE-ի, եթե Լապորտայի գործողությունները քննվեն RFEF-ի համապատասխան հանձնաժողովի կողմից, ապա հնարավոր է, որ նա հեռացվի պաշտոնից։
