2025 թվականի «Ոսկե գնդակի» պայքարը թեժանում է: 2024-ի հաղթող Ռոդրին, ցավոք, չի կարողանա պաշտպանել իր տիտղոսը ծնկի լուրջ վնասվածքի պատճառով, ինչը նոր հնարավորություններ է ստեղծում մյուս թեկնածուների համար։
Այս տարի մրցանակը որոշվելու է բացառապես ակումբային հաջողությունների հիման վրա, ինչը թույլ է տալիս ավելի լայն շրջանակի խաղացողների մասնակցել մրցավազքին։ Մոհամեդ Սալահը շարունակում է մնալ առաջատարը, մինչդեռ Կիլիան Մբապեն ու Ջուդ Բելինգհեմը սկսել են ուժեղ խաղ ցույց տալ՝ ամրապնդելով իրենց դիրքերը։
Հիմնական թեկնածուների շարքում են նաև Վինիսիուս Ջունիորը, Էրլինգ Հալանդը, Լամին Յամալը, Ռոբերտ Լևանդովսկին և Բուկայո Սական։ Մրցավազքը դեռ երկար է, և ամեն ինչ հնարավոր է:
Goal.com-ը կազմել է 2025թ․ «Ոսկե գնդակի» ֆավորիտների դասակարգումը
15․ Վիկտոր Դյոկերեշ («Սպորտինգ»)
14․ Բուկայո Սակա («Արսենալ»)
13․ Անտուան Գրիզման («Ատլետիկո»)
12․ Ջուդ Բելինգհեմ («Ռեալ»)
11․ Էրլինգ Հոլանդ («Մանչեսթեր Սիթի»)
10․ Ֆլորիան Վիրտց («Բայեր»)
9․ Քոուլ Փալմեր («Չելսի»)
8․ Հարի Քեյն («Բավարիա»)
7․ Կիլիան Մբապե («Ռեալ»)
6․ Լամին Յամալ («Բարսելոնա»)
5․ Ռոբերտ Լևանդովսկի («Բարսելոնա»)
4․ Ջամալ Մուսիալա («Բավարիա»)
3․ Ռաֆինյա («Բարսելոնա»)
2․ Վինիսիուս Ջունիոր («Ռեալ»)
1․ Մոհամեդ Սալահ («Լիվերպուլ»)
2024-25 մրցաշրջան. 20 գոլ, 15 գոլային փոխանցում
Մոհամեդ Սալահի պայմանագիրը «Լիվերպուլի» հետ ավարտվում է 2025 թվականի ամռանը, և եթե այս մրցաշրջանը նրա վերջինն է «Էնֆիլդում», ապա նա որոշել է հեռանալ փառքով։ «Եգիպտական թագավորը» նոր գլխավոր մարզիչ Առնե Սլոթի ղեկավարությամբ վերագտել է իր լավագույն մարզավիճակը՝ «կարմիրներին» դարձնելով լուրջ հավակնորդներ ինչպես Պրեմիեր լիգայում, այնպես էլ Չեմպիոնների լիգայում։
32-ամյա ֆուտբոլիստի տարիքը չի խանգարում նրան ցուցադրել բարձր մակարդակի խաղ, և եթե նա կարողանա «Լիվերպուլին» տիտղոսներ պարգևել մրցաշրջանի ավարտին, ապա նա կարող է դառնալ առաջին աֆրիկացի ֆուտբոլիստը, ով «Ոսկե գնդակը» կնվաճի Ջորջ Վեայից հետո (1995 թ.)։
