Լինել «Բարսելոնայի» նախագահ դժվար է ոչ միայն բարձր պահանջնել, այլև դրա հետ կապված հսկայական պատասխանատվության և հանրային ուշադրության պատճառով։
«Կապտանռնագույնների» ներկայիս նախագահ Ժոան Լապորտան, չնայած իր անցյալի մեծ հաջողություններին, միշտ գործել է որպես կեղծավոր քաղաքական գործիչ։ Նա թե՛ նախկինում, և թե՛ ներկայումս կիառում է նույն մեթոդները՝ պարբերաբար ներգրավվելով կասկածելի գործարքներում։ Վերջինս կայացնում է նաև սխալ որոշումներ։
Լապորտայի ներկայիս կառավարման հիմնական խնդիրները՝ ֆինանսական կորուստներն ու սխալ որոշումները, շատ նման են իր առաջին մանդատի սխալներին։ Հենց նախկինում նա չէր կարողացել արդյունավետ կառավարել ակումբի ֆինանսները, իսկ հիմա ավելի ծանր ֆինանսական ճգնաժամի մեջ է դրել «Բարսելոնային»՝ կուտակելով ավելի քան 1.3 միլիարդ եվրոյի պարտք։
Լապորտան փորձում է փրկել իրավիճակը մեծ գործարքներով ու պարբերական փոփոխություններով, սակայն, ինչպես նախկինում, նրա մոտեցումը հիմնված է կրկնվող սխալների և պոպուլիստական քաղաքականության վրա։ Այնուամենայնիվ, եթե ընթացիկ մրցաշրջանում «Բարսելոնան» հաղթի Չեմպիոնների լիգան, բոլոր սխալները կներվեն, իսկ Լապորտան կրկին կներկայացվի որպես հերոս։
Բայց իրականությունն այն է, որ ոչ մի տիտղոս չի կարող վերացնել նրա ղեկավարության ընթացքում առաջացած խնդիրներն ու երկակի ստանդարտները, որոնք ուղեկցում են նրան տարիների ընթացքում։
