«Վուլվերհեմփթոնի» նոր գլխավոր մարզիչ նշանակվեց մասնագետ Վիտոր Պերեյրան՝ սահմանելով Պրեմիեր լիգայում պորտուգալացի մարզիչների թվով ռեկորդ։
Պերեյրան Անգլիայի Պրեմիեր լիգայի ընթացիկ մրցաշրջանում չորրորդ պորտուգալացի մարզիչն է: Դա ավելին է, քան երբևէ մեկ մրցաշրջանում: Պորտուգալական անձնագրով մյուս մասնագետներն են․ Ռուբեն Ամորիմ (Մանչեսթեր Յունայթեդ), Նունու Էսպիրիտո Սանտու (Նոթինգհեմ Ֆորեստ), Մարկո Սիլվա (Ֆուլհեմ)։
Ընդհանուր առմամբ, ԱՊԼ-ում այժմ կան ինը մարզիչներ, ովքեր ներկայացնում են Պիրենեյան թերակղզին (5 իսպանացի, 4 պորտուգալացի՝ 45%):
Պերեյրայի նախորդ ակումբը Սաուդյան Արաբիայի «Ալ-Շաբաբն» էր, որին «Վուլվերհեմփթոնը» վճարել է 1 միլիոն եվրո փոխհատուցում:
