Չեմպիոնը որոշվեց վերջին տուրում․ Վիսել Կոբեն երկրորդ տարին անընդմեջ դարձավ Ճապոնիայի չեմպիոն

Անդրես Ինյեստայի նախկին ակումբը ՝«Վիսել Կոբեն» նվաճեց 2024 թվականի Ճապոնիայի առաջնության չեմպիոնի կոչումը։ Դա տեղի ունեցավ առաջնության վերջին տուրում, որում «Վիսել Կոբեն» 3-1 հաշվով հաղթեց տիտղոսի համար անմիջական մրցակցին՝ «Սանֆրեսե Հիրոշիմային»։

Կոբեն ներկայացնող ակումբը երկրորդ անգամ նվաճեց Ճապոնիայի չեմպիոնի կոչումը, ընդ որում՝ երկրորդ անգամ անընդմեջ։ Ակումբը նաև երկու անգամ դարձել է Ճապոնիայի գավաթակիր (երկրորդը՝ մեկ շաբաթ առաջ) և մեկ անգամ՝ Սուպերգավաթի հաղթող (2020)։

Հատկանշկան է, որ ճապոնական ակումբն իր պատմության մեջ բոլոր 5 տիտղոսները նվաճել է վերջին 5 տարվա ընթացքում։

Հետաքրքիր է, որ թիմի կազմում կա ընդամենը երկու լեգիոներ՝ բրազիլացիներ Մատեուս Տուլերն ու Ժեան Պատրիկը։ Կազմում շատ են ճապոնացի ֆուտբոլիտները, որոնք ժամանակին հանդես են եկել հավաքականում և եվրոպական թոփ առաջնություններում՝ պաշտպան Գոտոկու Սակային (Համբուրգ, Շտուտգարտ), կիսապաշտպան Հոտարու Յամագուչին (Հանովեր), հարձակվողներ Յույա Օսակոն (Քյոլն, Վերդեր) և Յոշինարի Մուտոն (Մայնց, Նյուքասլ)։