«Մանչեսթեր Յունայթեդի» գլխավոր մարզիչ Ռուբեն Ամորիմը նշել է, որ թիմի ֆուտբոլիստների համախմբվածությունը մեծ դեր է խաղացել ԼԳԲՏ+ համայնքի առաջկցությունը ներկայացնող ծիածանագույն խորհրդանշաններով բաճկոններ չկրելու որոշման մեջ։
Այդ ժեստը հակասում էր Նուսաիր Մազրաուիի կրոնական համոզմունքներին, ուստի «Մանչեսթեր Յունայթեդի» մյուս խաղացողները ևս որոշել էին հրաժարվել տվյալ ակցիայից։
«Սա ֆուտբոլիստների համատեղ որոշումն էր։ Այստեղ երեք դժվար կետ կա։ Կասկած չկա այն հարցում, թե ինչին է հավատում և ինչի համար է պայքարում ակումբը: Այնուհետև կա կրոն, որը պետք է հարգել:
Սա մեր արժեքներն են՝ հարգել այլ մարդկանց կարծիքները: Եվ երրորդ կետը՝ խմբի համախմբվածությունն է: Ես չեմ թողնի Նուսսին մենակ, մենք թիմ ենք:
Թիմում շատ ֆուտբոլիստներ կային, որոնք այլ բաների են հավատում, սակայն տեսնելով մեկին միայնակ՝ որոշեցին միասին լինել»,- նշել է Ամորիմը։
«Մանչեսթեր Յունայթեդի» ֆուտբոլիստները պետք է «Էվերթոնի» դեմ խաղից առաջ դուրս գային խաղադաշտ ԼԳԲՏ+ համայնքի աջակցությունը ներկայացնող հատուկ բաճկոններով: Նուսսաիր Մազրաուին հրաժարվել էր կրել այդ բաճկոնը կրոնական համոզմունքների պատճառով: «Կարմիր սատանաների» մյուս ֆուտբոլիստները որոշել էին աջակցել իրենց թիմակցին և նույնպես չկրել բաճկոնները, ինչը հասարակության մեջ դժգոհությունների ալիք էր բարձրացրել:
