Հայաստանի գործող փոխչեմպիոն «Նոան» ևս մեկ հայտարարություն է տարածել Հայաստանի ազգային հավաքականի դարպասապահ Օգնյեն Չանչարևիչի վերաբերյալ։
«Երբ թիմի հաջողությունը ավելի բարձր ես գնահատում, քան սեփական առողջությունը։
Ստանալ չափազանց ցավոտ վնասվածք, կորցնել գիտակցությունը, հետո ոտքի կանգնել, նախընտրել թեկուզ մեկ ձեռքով կանգնել դարպասում, քանի որ անգամ այդ ժամանակ գիտակցում էիր, որ փոփոխությունների հնարավորություն չկա։ Եվ այդ վիճակով կատարել անհավանական սեյվ, պարգևելով թիմին անչափ կարևոր հաղթանակ։ Քո քայլը պետք է օրինակ լինի կրտսեր սերնդի համար։
Օգնյեն, քո թիմը քո կողքին է»,- ասված է ակումբի տարածած հայտարարությունում։
Նշենք, որ Չանչարևիչը վնասվածք է ստացել Fastex Պրեմիեր լիգայի 10-րդ տուրից հետաձգված «Արարատ-Արմենիայի» դեմ խաղում (2:1)։
