Նոր տեղեկություններ են ի հայտ եկել Շվեդիայում Մբապեի բռնաբարության հնարավոր մասնակցության մասին

Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն դեռևս ներգրավված է Ստոկհոլմի Bank Hotel-ում  հնարավոր բռնաբարության գործով, հայտնում է Aftonbladet-ը։

Աղբյուրի փոխանցմամբ՝ հետաքննությունը դեռ փակված չէ։ Այս մասին հայտարարել է դատախազ Մարինա Չարիկովան։ Աղբյուրը մանրամասնում է, որ մինչ ոստիկանությունում ցուցմունք տալը աղջիկը նախ դիմել է բժշկական օգնության։

Դատախազն այլ տեղեկություններ չի հաղորդել: Աղբյուրը մանրամասնում է, որ հետաքննության սկսվելուց ի վեր ցուցմունքներ են վերցվել նաև մի քանի կանանցից, որոնց անունները չեն բացահայտվում և ովքեր տեղեկություններ ունեն կատարվածի մասին։

Հաղորդվում է նաև, որ հետաքննությանը ներգրավվել է Դատական ​​բժշկության ազգային կենտրոնը, որի եզրակացությունն արդեն վերլուծվել է այս միջադեպի հետաքննողների կողմից։ Եզրակացության արդյունքների մասին առայժմ տեղեկություններ չկան։

Հիշեցնենք, որ ավելի վաղ շվեդական մամուլը հայտնել էր, որ Մբապեն մեղադրվում է Շվեդիայում բռնաբարություն կատարելու մեջ, սակայն խաղացողի շրջապատը դա զրպարտություն էր որակել։