Մադրիդի «Ռեալի» հարձակվող Կիլիան Մբապեն մեկնաբանել է թիմի հաղթանակը «Լեգանեսի» հետ խաղում (3:0) և խոսել Վինիսիուսի հետ հարաբերությունների մասին։
«Ես լավ եմ սկսել՝ ռիթմով և խաղընկերներիս հետ համախմբվածությամբ, այլ դիրքում խաղալով: Ինչպես ասացի այստեղ եկածս առաջին օրը, կարող եմ խաղալ շատ տարբեր դիրքերում և կանեմ իմ առավելագույնը։ Սա իմ կարիերայի պատմությունն է՝ խաղում եմ աջում, կենտրոնում, ձախում… Ուզում եմ լավ խաղալ և շատ գոլեր խփել։ Ինձ համար լավ էր այս շաբաթները մարզվել Կաստիլիայի տղաների հետ, վազել նրանց հետ, մարզվել… Այսօր դա տեսանելի էր, ֆիզիկապես լավ տեսք ունեմ։ Ես լավ հարաբերություններ ունեմ Վինիսիուսի, ինչպես նաև «Ռեալի» բոլոր խաղացողների հետ։ Մենք պատրաստ ենք միասին շատ հանդիպումներ անցկացնել և շատ տիտղոսներ նվաճել»,- Մբապեի խոսքերն է մեջբերում Marca-ն։
«Լեգանեսի» դեմ խաղում Մբապեն մեկ գոլ է խփել Վինիսիուսի փոխանցումից։
