Իսպանական «Սելտայի» նախկին ֆուտբոլիստ Ալեքսանդր Մոստովոյը կարծիք է հայտնել «Լոկոմոտիվի» 25-ամյա կիսապաշտպան Նաիր Թիկնիզյանի ապագայի վերաբերյալ և գնահատել է նրա շանսերը Եվրոպայում կարիերան շարունակելու առումով։
«Եթե Թիկնիզյանը ցանկանում է խաղալ որևէ եվրոպական ակումբում, դա նորմալ է։ Ինչու ոչ: Ինչ վերաբերում է նրա մակարդակին, նա վատ ֆուտբոլիստ չէ և կարող է խաղալ լավագույն հնգյակի առաջնություններում։ Չէ՞ որ այնտեղ բոլորն էլ «Ռեալում», «Բարսելոնայում» կամ «Մանչեսթերում» չեն խաղում, կան նաև այլ թիմեր, որոնք նույնպես շատ ուժեղ ֆուտբոլիստներ ունեն, ուստի ի՞նչ է այստեղ արտասովոր։ Թիկնիզյանը լավ ֆուտբոլիստ է, և ճիշտ մենեջերների կամ գործակալների դեպքում, ովքեր հիմա ամեն ինչ կառավարում են ֆուտբոլում, ամեն ինչ հնարավոր է»,- ասել է Մոստովոյը Metaratings.ru-ին։
Թիկնիզյանը հանդես է գալիս «Լոկոմոտիվում» 2021 թվականի ամռանից: 25-ամյա կիսապաշտպանի հաշվին կա 107 խաղ, 16 գոլ և 16 գոլային փոխանցում։ Կիսապաշտպանի և ակումբի միջև աշխատավարձային պայմանագիրը ուժի մեջ է մինչև 2026 թվականի հունիսի 30-ը:
