«Լոկոմոտիվի» և Հայաստանի հավաքականի ֆուտբոլիստ Նաիր Տիկնիզյանը խոսել է «Զենիթ» իր ձախողված տեղափոխության մասին. Ըստ Տիկնիզյանի՝ նա ավարտել է բանակցությունները Սանկտ-Պետերբուրգը ներկայացնող թիմի հետ, քանի որ ակումբում իր համար ֆուտբոլային հեռանկարներ չի տեսել։
«Երբ ակումբը բանակցում է Ձեր տրանսֆերի շուրջ, ի՞նչ եք առաջարկում ինձ անել: Իհարկե, ես ինքս էլ սկսում եմ մասնակցել բանակցություններին և հասկանալ իմ ապագան այն ակումբում, որի հետ «Լոկոմոտիվը» պայմանավորվել է։ Երբ ես հասկացա, որ «Զենիթը» ապագա չունի խաղային տեսանկյունից և ոչ մի ֆուտբոլային հեռանկար, ես դուրս եկա բանակցություններից: Ինձ շատ լավ աշխատավարձ էին առաջարկում, եթե փողի ետևից վազեի, ինչպես շատերը գրում էին, ես կհամաձայնեի առաջին առաջարկին։ Ինձ համար կարևոր էր հասկանալ, որ նրանք ինձ հետ հույսեր էին կապում՝ որպես ֆուտբոլիստի։ Խոսքը փողի մասին չէ: Կներեք, բայց «Զենիթում» միայն պարգևավճարներով կարելի է ամեն անգամ մեկ-սենյականոց բնակարան գնել: Խոսքը ֆուտբոլի մասին է»,- Տիկնիզյանի խոսքերն է մեջբերում RB Sport-ը։
Հիշեցնենք, որ «Զենիթը» փորձել էր ձեռք բերել Նաիր Տիկնիզյանին այս տարվա ձմռանը։ Նշվել է, որ կողմերը չեն կարողացել պայմանավորվել ֆինանսական բաղադրիչի շուրջ։ Ավելի վաղ Նաիրը հայտնել էր, որ պատրաստ է հեռանալ «Լոկոմոտիվից»՝ եվրոպական ակումբ տեղափոխվելու համար։ Տիկնիզյանը 25 տարեկան է, խաղում է ձախ եզրային պաշտպանի և կիսապաշտպանի դիրքերում։
