Մադրիդի «Ռեալի» գլխավոր մարզիչ Կառլո Անչելոտին Չեմպիոնների լիգայի ընդհանուր փուլի 4-րդ տուրի՝ «Միլանի» հետ խաղում կրած պարտությունից հետո (1:3) պատասխանել է իր աշխատանքի վերաբերյալ կասկածներին, ինչպես նաև կիսվել է պարտության մեղավորների մասին իր կարծիքով:
«Կասկածներ իմ աշխատանքի վերաբերյա՞լ. Ոչ, ես կարծում եմ, որ սա նորմալ է: Թիմն իր լավագույն մարզավիճակում չէ, և մենք բոլորս ենք մեղավոր: Շատ կարևոր է, որ մենք բոլորս պատասխանատվություն կրենք։ Քանի որ ճիշտ այնպես, ինչպես երբ մենք հաղթում ենք, մենք դա անում ենք միասին: Հիմա ժամանակն է տառապելու և պայքարելու։ Նման իրավիճակներից մենք ավելի շատ ուժ ենք քաղում»,- Անչելոտիի խոսքերն է մեջբերում իսպանական AS հրատարակությունը։
Չեմպիոնների լիգայի մրցաշարային աղյուսակում Մադրիդի «Ռեալը» չորս տուրից հետո վեց միավորով զբաղեցնում է 17-րդ տեղը:
