Մադրիդի «Ռեալի» և «Տոտենհեմի» նախկին կիսապաշտպան Ռաֆայել վան դեր Վարտը համեմատել է «Մանչեսթեր Սիթիի» հարձակվող Էրլինգ Հոլանդին Լիսաբոնի «Սպորտինգի» հարձակվող Վիկտոր Գյոկերեշի հետ։
«Սա մի փոքր խենթ կթվա, բայց ես կարծում եմ, որ Գյոկերեշը մի փոքր ավելի լավն է, քան Հոլանդը: Իհարկե, Հոլանդն անհավանական է, բայց Գյոկերեշն այլ բան ունի»,- վան դեր Վարտի խոսքերն է մեջբերում Ziggo Sport-ը։
Նշենք, որ ընթացիկ մրցաշրջանում Հոլանդը բոլոր մրցաշարերում մասնակցել է 14 հանդիպման, որոնցում դարձել է 14 գոլի հեղինակ։ Իր հերթին, Գյոկերեշը «Սպորտինգի» կազմում անցկացրել է 16 հանդիպում՝ դառնալով 20 գոլի և 4 գոլային փոխանցման հեղինակ։
