«Մանչեսթեր Յունայթեդի» նախկին ձախ պաշտպան Պատրիս Էվրան բացատրել է «կարմիր սատանաների» իր և նոր սերնդի ֆուտբոլիստների միջև եղած տարբերությունը։
«Միշտ դժվար է խոսել «Մանչեսթեր Յունայթեդի» ներկա վիճակի մասին, քանի որ մենք առաջ խաղում էինք երկրպագուների, ակումբի նշանի և պատմության համար: Այսօր խաղացողներն աստիճանաբար կորցնում են այդ արժեքները:
Ես մեղադրում եմ դրա համար ինձ և սըր Ալեքս Ֆերգյուսոնին, որովհետև մենք շատ շուտ հեռացանք ֆուտբոլից, իսկ ներկա ֆուտբոլիստների համար դժվար է, քանի որ չունեն օրինակ, որից պետք է սովորեն»,- Էվրայի խոսքն է մեջբերում BBC-ն։
Էվրան հանդես է եկել ՄՅՈւ-ում 2006-ից 2014թթ․-ին։ Այդ ընթացքում թիմը 5 անգամ դարձել է Անգլիայի չեմպիոն։
