«Միլանը» շարունակում է ուշադիր հետևել Նիկո Պասի ելույթներին, ով հանդես է գալիս «Կոմո» ակումբում: Կիսապաշտպանը, ով վերջերս իր նորամուտը նշեց Արգենտինայի հավաքականում, գրավել է ռոսոներիների սկաուտների ուշադրությունը։
Ֆուտբոլիստի նկատմամբ հետաքրքրություն է ցուցաբերում նաև Լոնդոնի «Արսենալը», «Նապոլին» և «Յուվենտուսը», թեև Մադրիդի «Ռեալը» պահպանում է նրա տրանսֆերը հետ գնելու առաջնային իրավունքը։
Football Espana-ն հայտնում է, որ մադրիդյան ակումբը ևս գոհ է ֆուտբոլիստի առաջընթացից և պատրաստ է նրան վերադարձնել թիմ՝ որպես Լուկա Մոդրիչին փոխարինող:
Այս մրցաշրջանում նա Ա Սերիայի 7 խաղում խփել է մեկ գոլ և գրանցել երկու արդյունավետ փոխանցում։
