Այսօր՝ հոկտեմբերի 13-ին, ՈւԵՖԱ-ի Ազգերի լիգայի խաղարկության C դիվիզիոնի 4-րդ խմբի 4-րդ տուրում Հայաստանի հավաքականը Երևանի Վազգեն Սարգսյանի անվան «Հանրապետական» մարզադաշտում կընդունի Հյուսիսային Մակեդոնիային։ Հանդիպումը կմեկնարկի 20։00-ին։
Մեր ընտրանու գլխավոր մարզիչ Ալեքսանդր Պետրակովը նախախաղային ասուլիսի ժամանակ շեշտել է, որ հավաքականը կարծես «պարտք ունի» երկրպագուների առջև։
Պետք է կարողանալ արագ մոռանալ այդ պարտությունները: Վաղն, իհարկե, ամեն ինչ կախված կլինի ֆուտբոլիստներից … թե նրանք ինչ վիճակով խաղադաշտ դուրս կգան. դա յուրաքանչյուր ներքին գործն է: Նրանք իսկական տղամարդիկ են ու պատրաստ են ռևանշի։
Մեր ընտրանու կիսապաշտպան Հովհաննես Հարությունյանն էլ, իր հերթին, նշել է, որ թիմը խաղադաշտ է դուրս գալու միայն հաղթանակի նպատակով։
Վերլուծել ենք մրցակցին ու գիտենք նրանց ուժեղ և թույլ կողմերը: Ամեն ինչ պետք է անենք հաղթանակի համար: Դուրս ենք գալու խաղադաշտ միայն այդ նպատակով։
Հյուսիսային Մակեդոնիայի ընտրանու գլխավոր մարզիչն էլ, թիմի դարպասապահի հետ միասին, նշել են, որ չեն թերագնահատել առաջիկա մրցակցին։
Ես ասել եմ, որ Հյուսիսային Մակեդոնիայի և Հայաստանի միջև հանդիպումը կորոշի խմբի առաջին տեղը զբաղեցնողին․ վերահաստատում եմ խոսքերս։ Հետևել եմ հայերի խաղին ընդդեմ Ֆարերյան կղզիների հավաքականի։ Կասեմ, որ Հայաստանի ընտրանին այն նույն հավաքականն է, որին մենք ճանաչում ենք։ Լիովին հարգում ենք մրցակցին և ինտենսիվ կերպով նախապատրաստվում ենք առաջիկա խաղին։ Բլագոյա Միլևսկի
Շիշկովսկու հետ խոսել ենք Հայաստանի ընտրանու խաղացողների մասին։ Պատրաստ ենք առաջիկա խաղին։ Մենք միշտ մանրամասն վերլուծում ենք մեր մրցակցին, անկախ նրանից, թե ով է նա։ Վերջին երեք խաղերում շատ լավ եմ համագործակցում թիմի պաշտպանների հետ և հավատում եմ, որ վաղվա խաղում գոլ չեմ ընդունելու։ Ստոլե Դիմիտրիևսկի
Ընդհանուր առմամբ, Հայաստանի և Հյուսիսային Մակեդոնիայի միջև հանդիպումներում ուժեղ են գտնվել մրցակիցները․ 14 խաղում մենք հաղթանակ ենք տոնել ընդամենը 4-ում։ 3 խաղ ավարտվել է ոչ-ոքի, իսկ 7-ում հաղթել են հյուսիսմակեդոնացիները։ Այդ խաղերում մերոնք դարձել են 18, իսկ մրցակիցները՝ 25 գոլի հեղինակ։ Մրցող թիմերի միջև վերջին հանդիպումը կայացել է սույն թվականի սեպտեմբերին։ Մերոնք զիջել են մրցակցին 0։2 հաշվով։
Խմբային աղյուսակն այս պահին՝
Օրվա մյուս հանդիպումները՝ ստորև․
17։00 Ղազախստան — Սլովենիա
20։00 Ֆինլանդիա — Անգլիա
20։00 Մալթա — Մոլդովա
20։00 Լիխտենշտեյն — Ջիբրալթար
22։45 Ավստրիա — Նորվեգիա
22։45 Հունաստան — Իռլանդիա
22։45 Ֆարերյան կղզիներ — Լատվիա
