Թուրքիայի ֆուտբոլի ֆեդերացիան ժամանակավորապես հետ է վերցրել Սուպեր լիգայի տեղական տեսուչ Օրհան Էրդեմիրի և կին մրցավար Էլիֆ Կարաարսլանի արտոնագրերը։ Ինչպես հայտնում է TFF-ի պաշտոնական կայքը, դա պայմանավորված է համացանցում հայտնված նրանց մասնակցությամբ էրոտիկ բնույթի տեսանյութի հրապարակմամբ։
Թուրքիայի ֆուտբոլի ֆեդերացիայի արբիտրաժային խորհուրդը մերժել է Էրդեմիրի և Կարաարսլանի բողոքը։ Տեսուչը 45 օրով հեռացվել է ֆուտբոլային գործունեությունից, 24-ամյա կին մրցավարը՝ 90 օրով։
Ավելի ուշ աղբյուրները հայտնել են, որ Կարաարսլանի խոսքով՝ հրապարակված տեսանյութը կեղծ է, և իրենք փորձում են վարկաբեկել նրան մրցավարների հասցեին հնչեցրած քննադատության պատճառով, որոնք նա նախկինում արել է։
Էրդեմիրն իր պատիժը մեկնաբանել է այսպես. «Որքանով ես գիտեմ, կանոններում չկան դրույթներ, որոնք արգելում են մրցավարներին ռոմանտիկ հարաբերությունների մեջ մտնել միմյանց հետ։ Երբ նման իրավիճակ է ստեղծվում, կանոնները տույժեր չեն նախատեսում։ Ավելին, հայտնի է, որ ֆուտբոլային մրցավարական համայնքում շատ ռոմանտիկ հարաբերություններ ավարտվել են ամուսնությամբ։ Չեմ ուզում մտածել կամ հավատալ, որ ֆուտբոլային մրցավարների համայնքից մեկի հետ ռոմանտիկ հարաբերություններ ունենալը համարվում է ամոթալի պահվածք այս համայնքի համար»,- Օրհանի խոսքերն է մեջբերում Haberler-ը։
