«Ալ-Նասրի» և Իսպանիայի հավաքականի կենտրոնական պաշտպան Էմերիկ Լապորտը խոսել է այս ամառ Մադրիդի «Ռեալի» կողմից իր հանդեպ հետաքրքրության վերաբերյալ շշուկների մասին։ Նախկինում տեղեկություններ կային, որ Լապորտը կարող է խզել գործող պայմանագիրը սաուդյան ակումբի հետ ու տեղափոխվել Մադրիդի «Ռեալ»։
«Ռեալ Մադրի՞դը». Ոչ, նրանք ինձ հետ չեն կապվել»,- Լապորտի խոսքերն է մեջբերում Madrid Xtra-ն։
Լապորտը «Ալ-Նասր» է տեղափոխվել «Մանչեսթեր Սիթիից» 2023 թվականի օգոստոսին։ Ֆուտբոլիստի պայմանագիրն ակումբի հետ նախատեսված է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 20 միլիոն եվրո: Այս մրցաշրջանում Լապորտը «Ալ-Նասրի» կազմում երկու հանդիպում է անցկացրել բոլոր մրցաշարերում, որոնցում գոլեր չի խփել։
