Հումելսը հնարավոր է պայմանագիր կնքի իսպանական ակումբի հետ

Դորտմունդի «Բորուսիայի» նախկին պաշտպան Մատս Հումելսը, ամենայն հավանականությամբ, կարիերան կշարունակի իսպանական «Ռեալ Սոսյեդադում»։

Այս մասին հայտնում է Relevo-ն։ Հիշեցնենք, որ այս ամառ 35-ամյա Հումելսն ազատ գործակալի կարգավիճակով լքել էր դորտմունդյան ակումբը։

Ավելի վաղ հաղորդվում էր, որ փորձառու գերմանացու տրանսֆերին հավակնում էին նաև «Մալյորկան» ու անգլիական «Բրայթոնը»։

Նախորդ մրցաշրջանում Հումելսը «Բորուսիայի» կազմում անցկացրել է 40 հանդիպում՝ դառնալով 4 գոլի և մեկ գոլային փոխանցման հեղինակ։