Դանիայի հանդբոլի հավաքականը գերվստահ հաղթանակ տոնեց՝ երկրորդ անգամ դառնալով օլիմպիական չեմպիոն

Հանդբոլի տղամարդկանց Դանիայի հավաքականը ոսկե մեդալներ է նվաճել 2024 թվականին Փարիզում (Ֆրանսիա) կայացած Օլիմպիական խաղերում։

Եզրափակչում դանիացիները խնդիրներ չունեցան Գերմանիայի հավաքականի հետ և հաղթեցին 39:26 հաշվով։

Նշենք, որ Դանիան պատմության մեջ ամենախոշոր հաշվով հաղթանակը տոնեց Օլիմպիական Խաղերի հանդբոլի մրցաշարի եզրափակիչում։

Դանիացիները մասնակցել են վերջին երեք ՕԽ-ների եզրափակիչներին․ 2016-ին նրանք չեմպիոն են դարձել՝ հաղթելով Ֆրանսիային, 2020-ին զիջել են նույն ֆրանսիացիներին, իսկ այսօր հաղթել են գերմանացիներին։

ՕԽ-2024-ի բրոնզե մեդալակիր է դարձել Իսպանիայի հավաքականը։