Հայաստանի գործող փոխչեմպիոն «Նոան» Հուլիսի 11-ին Վահագն Թումասյանի անվան մարզադաշտում կայանալիք «Նոա»-Շկենդիա» հանդիպման ընթացքում խաղարկելու է երկու տոմս դեպի Սկոպյե։ Այս մասին հայտնում է ակումբի մամուլի ծառայությունը։
«Մեզ համար շատ կարևոր է երկրպագուների աջակցությունը թե’ տանը, թե’արտագնա խաղերում։ Հուլիսի 11-ին Վահագն Թումասյանի անվան մարզադաշտում կայանալիք «Նոա»-Շկենդիա» հանդիպման ընթացքում խաղարկելու ենք երկու ուղևորություն դեպի Սկոպյե՝ երկպագելու մեր թիմին։ Հաղթողները մրցավայր կմեկնեն թիմի հետ։
Արի’ մարզադաշտ, մասնակցի’ր խաղարկությանը, եղի’ր մեր կողքին նաև Սկոպյեում։ Մենք ցանկանում ենք ձեր ջերմությունը մեզ հետ տանել Հյուսիսային Մակեդոնիա։
Հիշեցնենք, որ հուլիսի 11-ին, ժամը 18:00 Հանրապետության հրապարակից (ԱԳՆ նախկին շենքի հարակից տարածքից) անվճար ավտոբուսներ կշարժվեն Վահագն Թումասյանի անվան մարզադաշտ»,- նշված է ակումբի տարածած հայտարարության մեջ։
Հիշեցնենք, որ ԿԼ-ի խաղարկության առաջին փուլի «Նոա»-«Շկենդիա» հանդիպումը կկայանա հուլիսի 11-ին ժամը 20:00-ին Վահագն Թումասյանի անվան Աբովյանի մարզադաշտում։
