Գերմանիայի իշխանություններն անհանգստացած են Սերբիայի և Անգլիայի ազգային հավաքականների հանդիպման խափանման հնարավոր սպառնալիքներով, հայտնում է BBC-ն։
Աղբյուրի փոխանցմամբ՝ իրավապահ մարմինները վախենում են սերբ ուլտրասների ագրեսիվ պահվածքից, որոնք կարող են մարզադաշտ մտնել այլ երկրպագուների հետ։ Սպասվում է, որ 500 սերբ երկրպագուներ կլինեն հազարավոր անգլիացի երկրպագուների շրջապատում, ինչը կարող է կոնֆլիկտ առաջացնել:
Այդ իսկ պատճառով մարզադաշտում վաճառվելու է միայն ցածր ալկոհոլային գարեջուր, երկու երկրների երկրպագուները իրարից հեռու կտեղակայվեն, և ավելի քան 1000 ոստիկաններ կհերթապահեն անվտանգության զանգվածային գործողության շրջանակում:
Անգլիան և Սերբիան C խմբում են Դանիայի և Սլովենիայի հետ: Թիմերի միջև դիմակայությունը կկայանա հունիսի 16-ին «Վելտինս Արենա» մարզադաշտում և կմեկնարկի Երևանի ժամանակով 23:00-ին:
