Ավարտվել է շախմատի աշխարհի մինչև 20 տարեկան պատանիների և աղջիկների առաջնության 9-րդ խաղափուլը:
Պատանիների առաջնությունում հայ շախմատիստներ Մամիկոն Ղարիբյանը և Ռուդիկ Մակարյանը 9 հնարավորից ունեն 7 միավոր և երեք շախմատիստների հետ կիսում են առաջին հորիզոնականը:
ԱյսօրՌուդիկը և Մամիկոնը խաղում են միմյանց դեմ։
Էմին Օհանյանը ունի 6.5 միավոր, Արսեն Դավթյանը՝ 6 միավոր:
Աղջիկների առաջնությունում Մարիամ Մկրտչյանը ունի 7.5 միավոր և կես միավորով հետ է մնում առաջատարից: Միլենա Գասպարյանը ունի 5 միավոր:
Առաջնության ավարտին մնացել է 2 որոշիչ խաղափուլ:
Նախավերջին խաղափուլը կմեկնարկի այսօր՝ Հայաստանի ժամանակով 13:30-ին։