«Մանչեսթեր Յունայթեդն» իր պաշտոնական կայքում հայտնել է, որ ֆրանսիացի պաշտպան Ռաֆայել Վառանը 2023/2024 մրցաշրջանի ավարտից հետո կլքի ակումբը։ Նշվում է, որ պայմանագրի ժամկետի ավարտից հետո ֆուտբոլիստը կլքի «կարմիր սատանաների» ճամբարը։
«Վառանը իր բարձր կարգն ու փորձն է բերել թիմին՝ 93 հանդիպում անցկացնելով «Մանչեսթեր Յունայթեդի» կազմում: Այնուամենայնիվ, Ռաֆային ամենաշատը հիշում են կենտրոնական պաշտպանությունում իր անսխալ աշխատանքով, քանի որ նա ցուցադրել է իր լավագույն որակները ակումբին միանալուց հետո:
Կենտրոնական պաշտպանը բացակայում էր ապրիլի 4-ին «Չելսիի» դեմ խաղից հետո, սակայն այժմ քրտնաջան աշխատում է վնասվածքից ապաքինվելու համար և հույս ունի, որ կվերադառնա խաղադաշտ մինչև մրցաշրջանի ավարտը: «Յունայթեդում» բոլորը շնորհակալություն են հայտնում Ռաֆային իր աշխատանքի համար և մաղթում ամենայն բարիք ապագայում»,- ասվում է ակումբի տարածած հաղորդագրության մեջ:
Հիշեցնենք, որ Վառանը «Մանչեսթեր Յունայթեդ» է տեղափոխվել 2021 թվականի օգոստոսին Մադրիդի «Ռեալից»։ 31-ամյա կենտրոնական պաշտպանի շուկայական արժեքը ներկայումս գնահատվում է 25 միլիոն եվրո:
