«Չելսիի» գլխավոր մարզիչ Մաուրիսիո Պոչետինոն մրցաշրջանի ավարտից հետո կարող է հեռանալ լոնդոնյան թիմից։ Հաղորդում է լրագրող Կիրան Գիլը։
Աղբյուրի համաձայն, չնայած հեռանալու մասին լուրերին, «Չելսիի» խաղացողների մեծամասնությունը չի ցանկանում, որ արգենտինացի մասնագետը հեռանա: Թիմն աջակցում է մասնագետին և պատրաստ է շարունակել աշխատել նրա հետ:
Հիշեցնենք, որ արգենտինացի մարզիչը «Չելսին» գլխավորել է անցած ամառ։ Անգլիայի Պրեմիեր լիգայում 35 խաղից հետո լոնդոնյան ակումբն ունի 54 միավոր և զբաղեցնում է յոթերորդ տեղը։ Այս մրցաշրջանում Պոչետինոյի սաները դուրս եկան Անգլիայի լիգայի գավաթի եզրափակիչ, որտեղ պարտվեցին «Լիվերպուլին» (0:1):
Հաջորդ խաղում «Չելսին» արտագնա խաղում կխաղա «Բրայթոնի» հետ։ Հանդիպումը կկայանա մայիսի 15-ին և կսկսվի Երևանի ժամանակով 22:45-ին:
Ավելի վաղ հաղորդվում էր, որ Պոչետինոն կարող է գլխավորել «Միլանը»։
