«Մանչեսթեր Յունայթեդի» պաշտպան Հարի Մագուայրը մեկնաբանել է իր հրավերը Անգլիայի հավաքական՝ մարտին Բրազիլիայի և Բելգիայի հետ ընկերական խաղերին։
«Այն փաստը, որ ես վեց ամիս չեմ խաղացել իմ ակումբում այնպես, ինչպես պետք է կանոնավոր կերպով, չպետք է պատճառ լինի, որ չընտրվեմ ազգային հավաքականում, քանի որ երբ ես խաղում էի իմ երկրի համար, լավ էի խաղում: Իմ ելույթները երկրի համար միշտ բարձր մակարդակի վրա են մնացել։ Սաութգեյթն ինձ ընտրեց Կատարում (Աշխարհի գավաթ) և ես զգացի, որ այնտեղ իմ ելույթը փայլուն էր:
Կարծում եմ, որ նա աշխարհի ամենադժվար գործն ունի՝ ընտրելու իր թիմը, քանի որ ֆուտբոլը կարծիքների խաղ է: Ես դա հասկանում եմ։ Այս պահին շատ մարդիկ կան, ովքեր գուցե չեն կարծում, որ ես պետք է լինեմ կազմում: Կան միլիոնավոր մարդիկ, ովքեր կարծում են, որ ես պետք է լինեմ»,- Մագուայրի խոսքերն է մեջբերում The Telegraph-ը։
