Անգլիական ակումբը հետաքրքրված է Նագելսմանի ծառայություններով

«Նյուքասլը» հետաքրքրված է Գերմանիայի հավաքականի գլխավոր մարզիչ Յուլիան Նագելսմանի ծառայություններով։

Այդ մասին հայտնել է Bild հրատարակության ֆուտբոլային բաժնի ղեկավար Քրիստիան Ֆալկը։

Հաղորդվում է, որ «կաչաղակները» մտածում են հաջորդ մրցաշրջանում 36-ամյա Նագելսմանին հրավիրելու մասին՝ փոխարինելու իրենց ներկայիս գլխավոր մարզիչ Էդի Հաուին:

Նշենք, որ Յուլիան Նագելսմանը կարող է դառնալ անգլիական ակումբի պատմության մեջ առաջին գերմանացի մարզիչը։

Ավելի վաղ հայտնի էր դարձել, որ Յուլիանի ծառայություններով հետաքրքրված է նաև «Բարսելոնան»։