«Ռոմայի» հարձակվող Պաուլո Դիբալան խոսել է հարձակվողներ Լիոնել Մեսսիի և Կրիշտիանու Ռոնալդուի հետ նույն թիմում խաղալու տարբերությունների մասին։
«Ռոնալդուն ինձ սովորեցրեց նվիրված լինել սպորտին, կենտրոնանալ հաղթանակի վրա: Այնուամենայնիվ, Մեսսիի հետ խաղալը մանկության երազանք էր։
Մեսսին ոգեշնչման մշտական աղբյուր է մեզ համար, ում բախտ է վիճակվել տեսնել նրան խաղադաշտում: Աշխարհի առաջնությունում նրա հետ հաղթանակը կիսելը ուրախություն է, որը չեմ մոռանա։
Ռոնալդուն չեմպիոն է։ Նրա կողքին խաղալը հիանալի էր ինձ համար, բայց դա նաև միջոց էր սովորելու նրա վճռականությունից և, առաջին հերթին, հաղթելու և կատարելագործվելու մշտական ցանկությունից: Ես չեմ զարմանում, որ Սաուդյան Արաբիայում նրա համար ամեն ինչ լավ է ընթանում»,- Դիբալայի խոսքերն է մեջբերում Calciomercato-ն։
