«Բավարիայի» գլխավոր մարզիչ Թոմաս Տուխելը ՈՒԵՖԱ-ի Չեմպիոնների լիգայի 1/8 եզրափակչի առաջին խաղում «Լացիոյից» կրած պարտությունից հետո (0:1) մեկնաբանել է փորձագետների և երկրպագուների քննադատությունը։
«Ես դա լիովին հասկանում եմ: Ես սովոր եմ լրատվամիջոցներ չկարդալուն՝ լավ և վատ ժամանակներում: Ես գիտեմ, որ ընկերներն ու ընտանիքն ավելի շատ են տուժում քննադատությունից: Ես զգում եմ հարցերի տոնը պարտություններից հետո. Ես միամիտ չեմ ու վաղուց էի զբաղվում այս գործով։
Ամեն մեկն ինքն է որոշում, թե ինչ տոնով հետևի և ինչպես խոսի մեր մասին։ Սա ինձ վրա այնքան չի ազդում, որքան դուք կարծում եք»,- ասել է մասնագետը:
Հիշեցնենք, որ Տուխելը «Բավարիան» գլխավորում է 2023 թվականի մարտից։ Մասնագետի պայմանագիրն ակումբի հետ նախատեսված է մինչև 2025 թվականը:
Գերմանիայի առաջնությունում «Բավարիան» 50 միավորով զբաղեցնում է մրցաշարային աղյուսակի երկրորդ հորիզոնականը։ Թիմը հինգ միավորով է զիջում առաջատար «Բայերին»:
