ՊՍԺ-ի գլխավոր մարզիչ Լուիս Էնրիկեն մեկնաբանել է գերմանացի մասնագետ Յուրգեն Կլոպի որոշումը, որը գլխավորում է «Լիվերպուլը» ընթացիկ մրցաշրջանի ավարտից հետո անգլիական ակումբից հեռանալու մասին։
«Մարզիչներին գնահատում են իրենց արդյունքներով: Նրան հաջողվում է պայքարել տիտղոսների համար այն ժամանակաշրջանում, երբ «Սիթին» առաջատար է։ Նրա թիմը շատ է պրեսինգ անում և բարձր տեմպ է պահպանում։ Նա իսկապես լավն է, ինձ դուր է գալիս նրա ոճը:
Կլոպը շատ բաց ու ընկերասեր մարդ է, ով բացառիկ արդյունքների է հասել։ Նա ասաց, որ էներգիան չի բավականացնում, ինչը հասկանալի է: Լրատվամիջոցների թիրախում առաջինը մարզիչներն են, ինչը հյուծում է։ Երբեմն մարզիչները պետք է հեռանան այդ ամենից: Միգուցե, նա կցանկանա նոր մարտահրավեր ընդունել այլ ակումբում»,- Էնրիկեի խոսքերն է մեջբերում RMC Sport-ը:
