35-ամյա մեքսիկացի հարձակվող Խավիեր Էրնանդեսը վերադարձել է «Գվադալախարա», որտեղ սկսել է իր ֆուտբոլային կարիերան։
«Խավիեր «Չիչարիտո» Էրնանդեսը վերադառնում է թիմ: Համոզված ենք, որ նրա սերը «Գվադալախարայի» հանդեպ, հաջող կարիերայի ընթացքում ձեռք բերված փորձը և նրան բնութագրող առաջնորդական որակները կարտացոլվեն համագործակցության այս նոր փուլում»,- հայտնում է ակումբի մամուլի ծառայությունը։
Չիչարիտոն մեքսիկական ակումբից տեղափոխվել է «Մանչեսթեր Յունայթեդ» 2010 թվականի ամռանը։ Այնուհետև Էրնանդեսը խաղացել է «Ռեալում», «Բայերում», «Վեսթ Հեմում», «Սևիլիայում» և «Լոս Անջելես Գելեքսիում»:
