Ֆլորենտինո Պերեսն ասել է, որ «Ռեալը» երբեք չի հոգնի հաղթանակներից։ Մադրիդյան ակումբի նախագահը ելույթ է ունեցել Մադրիդի «Ռեալի» երկրպագուների ասամբլեայում։
«Մենք ապրում ենք մեր ակումբի պատմության ամենահաջող ժամանակաշրջաններից մեկը։ Ֆուտբոլում մենք հաղթեցինք Եվրոպայի հինգերորդ սուպերգավաթը, աշխարհի ակումբային առաջնությունը և Իսպանիայի գավաթը։
Եվ այս ամենը, չնայած շատ դժվար օրացույցին. աշխարհի առաջնությունը փոփոխություններ կատարեց՝ ստիպելով կանգնեցնել բոլոր մրցաշարերը:
Գավաթում մենք ևս մեկ անգամ ցույց տվեցինք, որ մադրիդցիները երբեք չեն հանձնվում և գերազանց արդյունքների հասան հիանալի մրցակիցների դեմ։ Վերջերս մենք 14-րդ անգամ հաղթեցինք Չեմպիոնների լիգան, և թիմը պայքարում է այն կրկին հաղթելու համար։ Թող ոչ ոք չկասկածի, որ այս մրցաշրջանում մենք կրկին փորձելու ենք դա անել։ Այս թիմը չի հոգնի հաղթելուց»,- Պերեսի խոսքերն է մեջբերում Marca-ն։
