«Չելսիի» գլխավոր մարզիչ Մաուրիսիո Պոչետինոն մեկնաբանել է թիմի դուրս գալն Անգլիայի լիգայի գավաթի քառորդ եզրափակիչ։
4-րդ տուրում լոնդոնցիները սեփական հարկի տակ հաղթեցին «Բլեքբերնին» (2-0) և հաջորդ տուրում կհանդիպեն «Նյուքասլի» հետ։
«Արդյո՞ք քառորդ եզրափակիչ դուրս գալուց հետո պետք է մտածենք մրցաշարում հաղթելու մասին: Ենթադրում եմ, որ այդպես է։
Մենք պետք է այս մրցաշարը համարենք նշանակալից, քանի որ չենք խաղում եվրոպական մրցաշարերում, այն պետք է դիտարկենք որպես հնարավորություն, ինչպես Պրեմիեր լիգան։ Իհարկե, պետք է մտածել, որ կարող ենք հաղթել այս մրցաշարում»,- Պոչետինոյի խոսքերն է մեջբերում ակումբի մամուլի ծառայությունը։
