Բրայթոնը կփորձի երկարաձգել պայմանագիրը Միտոմայի հետ՝ թոփ ակումբների կողմից հետաքրքրության ֆոնին

Անգլիական «Բրայթոնը» չի կորցրել իր վինգեր Կաորու Միտոմայի հետ պայմանագիրը երկարաձգելու հույսը։

Լրագրող Ֆաբրիցիո Ռոմանոյի տեղեկությունների համաձայն՝ «ճայերը» դեռ հույս ունեն երկարաժամկետ պայմանագիր կնքել ճապոնացու հետ՝ չնայած Անգլիայի Պրեմիեր լիգայի և այլ առաջնությունների թոփ ակումբների հետաքրքրությանը:

Միտոմայի ծառայություններով մասնավորապես հետաքրքրված են «Մանչեսթեր Սիթին» և «Լիվերպուլը»: Ճապոնացու պայմանագիրը «Բրայթոնի» հետ նախատեսված է մինչև 2025 թվականը։ Եթե ֆուտբոլիստը չերկարաձգի պայմանագիրը մինչև հաջորդ ամառ, ապա ակումբը կարող է բաց թողնել ֆուտբոլիստին նախատեսվածից ավելի ցածր գումարի դիմաց, որպեսզի հետագայում անվճար չկորցնի նրան։

Միտոման նոր մրցաշրջանում Անգլիայի Պրեմիեր լիգայում դարձել է գոլի և երեք գոլային փոխանցման հեղինակ։