Հայաստանի երիտասարդական հավաքականի նորեկ Գոռ Մանվելյանն արդեն ժամանել է Հայաստան և միացել Մ21 տարեկանների թիմին:
21-ամյա կիսապաշտպանը նաև Փարիզի օդանավակայանից, ապա՝ Ավանի ակադեմիայից լուսանկարներ է հրապարակել Instagram-ի Storys բաժնում:
Ավելի վաղ հայտնել էինք, որ Transfermarkt պորտալի համաձայն Մանվելյանը կարիերան կշարունակի Հայաստանի Պրեմիեր լիգայում։ Ըստ աղբյուրի՝ «Նանտի» կիսապաշտպանը պայմանագիր է կնքել «Նոայի» հետ։ Նշվում է նաև, որ ֆուտբոլիստը նոր ակումբին միացել է ազատ գործակալի կարգավիճակով։
Transfermarkt-ը Մանվելյանի տրանսֆերային արժեքը գնահատում է 400 հազար եվրո։
