ՈւԵՖԱ-ն իր պաշտոնական կայքում ներկայացրել է 2022/2023 մրցաշրջանի լավագույն մարզչի մրցանակի երեք հավակնորդներին։
Ցուցակում են Խոսեպ Գվարդիոլան (Մանչեսթեր Սիթի), Սիմոնե Ինձագին (Ինտեր) և Լուչիանո Սպալետին (Նապոլի):
Լավագույն եռյակը որոշվել է նախորդ մրցաշրջանում եվրոպական մրցաշարերում հանդես եկող ակումբների գլխավոր մարզիչների և ՈՒԵՖԱ-ի անդամ երկրների հավաքականների մարզիչների քվեարկությամբ։ Ընտրողների թվում են եղել նաև հատուկ ընտրված լրագրողներ։
Հաղթողի անունը հայտնի կդառնա օգոստոսի 31-ին Չեմպիոնների լիգայի 2023/2024 մրցաշրջանի խմբային փուլի վիճակահանության արարողության ժամանակ։
