Ռոբերտո Մանչինին հայտարարել է, որ Իտալիայի ֆուտբոլի ֆեդերացիայի (FIGC) նախագահ Գաբրիելե Գրավինան մեղավոր է Իտալիայի հավաքականի գլխավոր մարզչի պաշտոնից իր հեռանալու համար։
«Երբևէ տեսե՞լ եք, որ ֆեդերացիայի նախագահը փոխի ամբողջ մարզչական շտաբը, նա ուզում էր հեղափոխություն անել, ես հասկացրեցի, որ դա չպետք է արվի, նա կարող էր առավելագույնը երկու հոգի բերել, բայց նա դա չարեց, նա զրկեց ինձ մարզչական շտաբից», — մեջբերում է Մանչինիին Sky Sport-ը։
«Ես բացատրեցի նրան, որ այս ամիսների ընթացքում ես պետք է աջակցություն ստանայի և հանգստանայի, բայց նա դա չարեց, և ես հեռացա: Արդյո՞ք դա պետք է արվեր ավելի վաղ: Միգուցե․․. Բայց ես հավաքականից հեռացա առաջիկա խաղից 25 օր առաջ, ոչ թե երեք։
Գրավինան փորձեց փոխել իմ անձնակազմը: Ես նրան ասացի, որ առավելագույնը կարող է երկու նոր մարդ ավելացնել, բայց չհեռացնել իմ աշխատակազմից երկուսին, որոնք աշխատում էին և հաղթում։ Ամեն դեպքում, ես եմ, որ պետք է որոշում կայացնեմ իմ աշխատակիցներից մեկին փոխարինելու հարցում։
Գրավինան իրերը բոլորովին այլ կերպ էր տեսնում, քան ես: Ինձ հեռացրին բացառապես իմ որոշման համար։ Ես ուզում էի ազդանշան ուղարկել նախագահին։ Նա կարող էր օգնել ինձ, եթե ցանկանար»,- Մանչինիի խոսքերն է մեջբերում Football Italia-ն:
