Դեկտեմբերի 18-ին Կատարում կկայանա Աշխարհի առաջնության եզրափակիչ հանդիպումը, որում կհանդիպեն Արգենտինայի և Ֆրանսիայի հավաքականները։
Լա Լիգան ամենամեծ ներկայացվածությունը կունենա 2022 թվականի Աշխարհի առաջնության եզրափակիչում։
Արգենտինայի և Ֆրանսիայի ազգային հավաքականների բոլոր խաղացողների գրեթե մեկ երրորդը հանդես է գալիս Իսպանիայի առաջնության բարձրագույն դիվիզիոնում՝ 15 հոգի։ Պրեմիեր լիգան ունի 9 ներկայացուցիչ, Լիգա 1-ը՝ 8:
Ակումբների առումով «Ատլետիկոն» եզրափակչում ամենամեծ ներկայացվածությունն ունի 4 խաղացողներով (Անտուան Գրիզման, Ռոդրիգո Դե Պոլ, Նահուել Մոլինա և Անխել Կորեա)։ 3 խաղացողներ ներկայացնում են «Սևիլիան», «Բավարիան» և «Յուվենտուսը»։
