Մարոկկոյի հավաքականի կիսապաշտպան Սոֆյան Ամրաբատը խոսել Ֆրանսիայի հետ աշխարհի առաջնության կիսաեզրափակիչ խաղից իր սպասելիքներով, ինչպես նաև նշել, որ իր թիմը չի վախենում ֆրանսիացիների հարձակվող Կիլիան Մբապեից։
«Ծանր հանդիպում է լինելու։ Ֆրանսիան ֆանտաստիկ թիմ է, որը հաղթել է աշխարհի նախորդ առաջնությունում։ Դժվար է լինելու, բայց մենք արդեն խաղացել ենք այլ թիմերի հետ, որոնք նույնպես շատ լավն էին։ Որպես թիմ՝ մենք շատ վստահ ենք մեր ուժերի վրա։ Մենք շատ ենք հարգում նրանց, և դա լավ կիսաեզրափակիչ հանդիպում է լինելու։ Հույս ունենք լավ արդյունքի հասնել։
Վախենո՞ւմ ենք Մբապպեից։ Նա հիանալի խաղացող է, բայց Մբապպեից վախենալ պետք չէ։ Ֆրանսիան այլ շատ լավ խաղացողներ ունի, բայց մենք ոչ մեկից չենք վախենում։ Մբապեն աշխարհի լավագույն խաղացողներից է, բայց մենք չենք վախենում նրանից»,- Ամրաբատի խոսքն է մեջբերել Marca-ն։
