Միացյալ Նահանգների Oլիմպիական կոմիտեն (USOPC) աջակցում է ռուս մարզիկների մասնակցությանը 2024 թվականին Փարիզում կայանալիք խաղերին, բայց առանց ազգային դրոշի և օրհներգի, ասել է USOPC-ի ղեկավար Սյուզան Լիոնսը։
«Գուցե ցավալի է գիտակցելը, բայց ռուս մարզիկների դուրս մնալը մրցաշարից մեզ հետ է մղում, նրանց վերադարձն իսկապես կարևոր է օլիմպիական շարժման համար։ Միաժամանակ մենք շարունակում ենք աջակցել ուկրաինացի ժողովրդին և ուկրաինացի մարզիկներին։ Միացյալ Նահանգները աջակցում է մրցումներին վերադառնալու հնարավորություններ փնտրելուն այն մարզիկների համար, ովքեր մարզվել են դրա համար իրենց ողջ կյանքում, բայց մենք կտրականապես դեմ ենք նրանց վերադառնալուն ազգային դրոշի ներքո, մինչդեռ իրենց երկրները պատժամիջոցների տակ են», — ասել Լիոնսը:
Փետրվարի վերջից ԱՄՆ-ն ակտիվորեն հանդես էր գալիս ռուս մարզիկներին միջազգային մրցաշարերից հեռացնելու օգտին։
«Այն ժամանակ, որպես օպերատիվ միջոցառումներ, բոլորը պետք է բաժանվեին։ Այո, մենք այն ժամանակ լիովին աջակցել ենք կասեցմանը։ Բայց Օլիմպիական գագաթնաժողովում հարց բարձրացվեց՝ պաշտպանական միջոցների անհրաժեշտությունը մնացե՞լ է նույնը։ Չնայած իրավիճակի կատալիզատորը դեռ առկա է, ակնհայտ է, որ դա Ուկրաինայի հակամարտությունն է, մարզիկների անվտանգության խնդիրն այլևս այնքան էլ սուր չէ», — ասել է USOPC-ի ղեկավարը:
Միևնույն ժամանակ, նույնիսկ եթե ռուս մարզիկներին թուլ տան մասնակցել ՕԽ-ին, հնարավոր է, որ որոշ երկրներ իրենց նախաձեռնությամբ արգելեն մասնակցել այդ մարզիկներին իրենց տարածքում կայանալիք մրցաշարերին։
«Սա օլիմպիական խարտիայի լուրջ խախտում է։ Մենք չենք ցանկանում, որ առանձին երկրները քաղաքական նկատառումներից ելնելով որոշեն, թե իրենք կամ իրենց մարզիկները ում հետ պետք է շփվեն», — մեջբերում է Լիոնսին The Wall Street Journal-ը:
